HeadShort.png

Ωδή ογδόη

Δοξαστικόν ψάλλεται εις ήχον Α'. Κατά το "Την παγκόσμιον δόξαν". 

Επειδή η ακροστιχίς είναι μετά το χαίρε, απαγγέλλεται και άνευ του χαίρε και ψάλλεται εις τον β' ήχον. 

Χαίρε Παντευλόγητε, Υπερύμνητε,
Χαίρε Παμμακάριστε, Υπερένδοξε.
Χαίρε Πανακήρατε παρθενομήτωρ,
Χαίρε Παναμώμητε Θεοκυήτωρ.
Χαίρε Αειπάρθενε μήτερ άφθορε,
Χαίρε Θεονύμφευτε μήτερ άλοχε.
Χαίρε Θεόν αφράστως η κυήσασα,
Χαίρε Θεόν αρρήτως η γεννήσασα.
Χαίρε τον θείον στάχυν η βλαστήσασα,
Χαίρε ζωής τον άρτον η χωρήσασα.
Χαίρε τροφή του μάννα η διάδοχος,
Χαίρε τρυφής αγίας η διάκονος.
Χαίρε διψώντας Πέτρα η ποτίζουσα,
Χαίρε Τράπεζα άρτον ζωής φέρουσα.
Χαίρε Σκήπτρον ένδοξον Ορθοδοξίας,
Χαίρε άσειστε Πύργε τής Εκκλησίας.
Χαίρε Δέσποινα Κόσμου ανθρώπων κλέος,
Χαίρε έμψυχον Σκήνος Παμβασιλέως.
Χαίρε Ναέ του θείου ακατάλυτε,
Χαίρε Θησαυρέ ζωής αδαπάνητε.
Χαίρε Μήτερ του λόγου απειρόγαμε,
Χαίρε Θεόπαις, νύμφη, κόρη πάναγνε.
Χαίρε Παρθένων έρεισμα και καύχημα,
Χαίρε Μητέρων δόξα και αγλάισμα.
Χαίρε Θεοτόκε Θεόν γεννήσασα,
Χαίρε Θεομήτωρ Χριστόν θηλάσασα.
Χαίρε Πάνσεμνε τον λόγον βλαστήσασα,
Χαίρε υπέρ νουν Χριστόν η κυήσασα.
Χαίρε κιβωτέ χρυσωθείσα πνεύματι,
Χαίρε νεφέλη αγία ολόφωτε.
Χαίρε αγνείας παρθένων θησαύρισμα,
Χαίρε Οσίων, παρθένων ωράισμα.
Χαίρε το στέφος της καλής εγκρατείας,
Χαίρε το άνθος της αγνής αφθαρσίας.
Χαίρε η στήλη της σεμνής παρθενίας,
Χαίρε η πύλη της πιστών σωτηρίας.
Χαίρε αρχηγέ νοητής αναπλάσεως,
Χαίρε χορηγέ θεϊκής αγαθότητος.
Χαίρε άφλεκτε βάτε, θείον σκήνωμα,
Χαίρε Δέσποινα κόσμου θείον όχημα.
Χαίρε ράβδος Ααρών η βλαστήσασα,
Χαίρε Στάμνος το θείον μάννα φέρουσα.
Χαίρε παρθένε, όρος αλατόμητον,
Χαίρε του λόγου κλίμαξ, ύψος άρρητον.
Χαίρ' αθλοφόρων Θάρρος το ανίκητον,
Χαίρ' Αποστόλων στόμα το ασίγητον.
Χαίρε ψυχών ευσεβών η σωτηρία,
Χαίρε ψυχών ασθενών η θεραπεία.
Χαίρε προς Θεόν άπαυστος μεσιτεία,
Χαίρε νύμφη ανύμφευτε Παναγία.

Προσφώνησις προς την Υπεραγίαν Θεοτόκον.

Χαίρε, Θεοτόκε Παρθένε, χαίρε, κεχαριτωμένη Μαρία, ο Κύριος μετά σου· χαίρε η τον ασπασμόν του Αγγέλου δεξαμένη· χαίρε η αξιωθείσα γενέσθαι Μήτηρ Θεού.
Συ ει, θεογεννήτρια, της σωτηρίας ημών το κεφάλαιον.
Συ ει, θεομήτωρ, η τροφός της ζωής ημών.
Συ ει, Αειπάρθενος Κόρη, η ευφροσύνη πασών των γενεών.
Συ ει, Παρθενομήτωρ, η πέτρα η ποτίσασα τους διψώντας την ζωήν.
Συ ει, απειρόγαμος μήτηρ, η διάδοχος τροφή του μάννα.
Συ ει, άγαμος νύμφη, η διάκονος της τρυφής της αγίας.
Συ ει, ζωοτόκος, η έμψυχος τράπεζα η τον άρτον ζωής χωρήσασα.
Συ ει, καλλιτόκος, η ακένωτος πηγή, η το ύδωρ το ζων αναβλύσασα.
Συ ει, μητροπάρθενε, η ανήροτος χώρα η τον θείον στάχυν βλαστήσασα.
Συ ει πανάμωμος νύμφη, το ηδύπνοον κρίνον πιστούς ευωδιάσασα.
Συ ει, πανακήρατος κόρη, το σκήπτρον της Ορθοδοξίας.
Συ ει, αγνή Παρθένε, πύργος ο ασάλευτος της Εκκλησίας.
Συ ει, του κόσμου Δέσποινα, το Πανάγιον όχημα του επί των Χερουβίμ.
Συ ει, των Αγγέλων βασίλισσα, το πανάριστον οίκημα το επί των Σεραφίμ.
Συ ει, Παρθένε Θεόνυμφε, το έμψυχον παλάτιον του παμβασιλέως.
Συ ει, Ανύμφευτε νύμφη, ο Θρόνος του Μεγάλου Αρχιερέως.
Συ ει, μεγαλοτόκος, η τον Θεόν αφράστως γεννήσασα.
Συ ει, Θεοκυήτωρ, η τον αχώρητον εν γαστρί χωρήσασα.
Συ ει, Άχραντε Παρθένε, ο ναός ο ακατάλυτος.
Συ ει, απειρολεχής νύμφη, ο ναός του Θεού ο έμψυχος.
Συ ει, Πάνσεμνε Κόρη, ουρανού και γης ισόρροπον οίκημα.
Συ ει, Παναγία Παρθένε, της αχωρήτου φύσεως χωρίον ευρύχωρον.
Συ ει, αμίαντος Κόρη, ο φαεινός όρθρος ο τον ήλιον φέρων της δικαιοσύνης.
Συ ει, ευλογημένη Παρθένε, του φωτός το οικητήριον, εξ ης το φως τω κόσμω εξανέτειλεν.
Συ ει, πάναγνε νύμφη, η αυγή της μυστικής ημέρας.
Συ ει, άσπιλε κόρη, η ακτίς του αδύτου φέγγους.
Συ ει, αμόλυντε Παρθένε, η του Χριστού κατά σάρκα Μήτηρ.
Συ ει, άφθορος κόρη, η αληθώς και κυρίως τον Θεόν λόγον σεσαρκωμένον τεκούσα.
Συ ει, Αγία Παρθένε, η τον Θεόν λόγον ως βρέφος εν ωλέναις βαστάσασα,
Συ ει, πανάχραντε Δέσποινα, η τον τροφέα των όλων ως μήτηρ θηλάσασα.
Συ ει το σεπτόν κειμήλιον της Οικουμένης απάσης,
Συ ει ο τόμος εν ω θείω δακτύλω ο λόγος του Πατρός εγγέγραπται.
Συ ει δοχείον ουρανίου ευφροσύνης,
Σε προ αιώνων οι προφήται ως Παρθέναν και Νύμφην Θεού προεκήρυξαν.
Συ ει οδηγός των πιστών σωφροσύνης.
Συ ει λειμών ευωδίας,
Συ ει παράδεισος αφθαρσίας.
Συ ει η κλεις της των Ουρανών βασιλείας,
Συ ει η ολκάς των δεομένων σωτηρίας.
Συ ει προνοίας Θεού ταμείον,
Συ ει σοφίας Θεού δοχείον.
Συ ει φωτός ένδυμα,
Συ ει αρετής εφέστιον.

Συ ει παρθένων το καύχημα,
Συ ει μητέρων αγλάισμα.
Συ ει αγνείας θησαύρισμα,
Συ ει παρθενίας ωράισμα.

Συ ει το στέφος της εγκρατείας,
Συ ει το άνθος της αφθαρσίας.
Συ ει η στήλη της παρθενίας,
Συ ει η πύλη της σωτηρίας.
Συ ει ο αρχηγός νοητής αναπλάσεως,
Συ ει ο χορηγός θεϊκής αγαθότητος.

Συ ει στερρόν της πίστεως έρεισμα,
Συ ει λαμπρόν της χάριτος γνώρισμα.
Συ ει των Αποστόλων το ασίγητον στόμα,
Συ ει των αθλοφόρων το ανίκητον θάρσος.
Συ ει πρεσβείας δεκτόν θυμίαμα,
Συ ει του κόσμου παντός εξίλασμα.
Συ ει Θεού προς θνητούς ευδοκία,
Συ ει θνητών προς Θεόν παρρησία.
Σε την Αειπάρθενον Θεοτόκον η του Θεού αγαθότης προώρισε γενέσθαι μητέρα της σωτηρίας,
Σε προ αιώνων οι προφήται ως Παρθένον και Νύμφην Θεού προεκήρυξαν.
Συ ει η ολόφωτος νεφέλη η τον λαόν του Θεού σκέπουσα,
Συ ει η πύρινος στήλη, η τον νέον Ισραήλ φωταγωγούσα.
Συ ει η σκηνή του μαρτυρίου, ην το Θείον επεσκίασε,
Συ ει η κιβωτός της Διαθήκης εν η ο λόγος του Θεού διέμεινεν.
Συ ει η ράβδος του Ααρών η το άνθος τον Χριστόν βλαστήσασα,
Συ ει η στάμνος η το ουράνιον μάννα χωρήσασα.
Συ ει η κλίμαξ του Ιακώβ, η της κατέβη ο Θεός

 

Pin It