Χαίρε το άσμα Χερουβίμ,
Χαίρε ύμνος αγγέλων,
Χαίρε ωδή των Σεραφίμ,
χαρά των αρχαγγέλων.
Χαίρε το άσμα Χερουβίμ, Χαίρε ύμνος αγγέλων, Χαίρε ωδή των Σεραφίμ, χαρά των αρχαγγέλων.
Χαίρε ειρήνη και χαρά,
λιμήν της σωτηρίας,
παστάς του Λόγου ιερά,
άνθος της αφθαρσίας.
Χαίρε παράδεισε τρυφής
ζωής τε αιωνίας
χαίρε το ξύλον της ζωής,
πηγή αθανασίας.
Χαίρε πηγή της χάριτος,
χαίρε θρόνε Κυρίου,
χαίρε κόρη ακήρατος,
χαίρε ναέ του θείου.
Χαίρε Αγίου Πνεύματος
κήπε εσφραγισμένε,
χαίρε της θείας χάριτος
ναέ ηγιασμένε.
Χαίρε παρθένων καύχημα,
χαίρε παρθενομήτωρ,
χαίρε πιστών ωράισμα,
χαίρε θεοκυήτωρ.
Χαίρε το καταφύγιον
των καταπονουμένων,
χαίρε το ορμητήριον
νηών χειμαζομένων.
Χαίρε η Άδου νέκρωσις,
χαίρε φθοράς η λύσις,
χαίρε μερόπων λύτρωσις,
χαίρε δικαία τίσις.
Χαίρε πιστών παράκλησις,
χαίρε παρθένων φίλτρον,
χαίρε Αδάμ ανάκλησις,
χαίρε της Εύας λύτρον.
Χαίρε αγνή συντρίψασα
το κράτος του θανάτου,
χαίρε την κάραν θλάσασα
δράκοντος αρχεκάκου.
Χαίρε αγνή συντρίψασα το κράτος του θανάτου, χαίρε την κάραν θλάσασα δράκοντος αρχεκάκου.
